E-7-M Visa ဆိုတာဘာလဲ?

ကိုရီးယားမှာကျောင်းတက်ပြီးနောက် အလုပ်ဆက်လုပ်ချင်တဲ့ နိုင်ငံခြားကျောင်းသားတွေအတွက် E-7-M Visa (K-CORE) ဆိုတဲ့ အလုပ်ဗီဇာလမ်းကြောင်းအသစ်ကို 2026 ခုနှစ်မှာ စတင်မိတ်ဆက်ထားပါတယ်။

E-7-M ကို အလွယ်နားလည်ရင် ကိုရီးယားမှာ သတ်မှတ်ထားတဲ့ 전문대학 မှာ နည်းပညာနဲ့ ကိုရီးယားစာကိုပြင်ပြီး၊ ဘွဲ့ရပြီးနောက် ဒေသတွင်းကုမ္ပဏီမှာ အလုပ်လုပ်နိုင်ဖို့ ချိတ်ဆက်ထားတဲ့ အလုပ်ဗီဇာလမ်းကြောင်း လို့ပြောနိုင်ပါတယ်။

ဒီ visa က ကိုရီးယားမှာကျောင်းတက်သူတိုင်းအတွက်မဟုတ်ပါ။ သတ်မှတ်ထားတဲ့ကျောင်း၊ သတ်မှတ်ထားတဲ့မေဂျာ၊ ကိုရီးယားစာ level, အလုပ်စာချုပ်၊ လစာအချက်တွေကိုပါ စစ်ရတဲ့လမ်းကြောင်းဖြစ်ပါတယ်။

E-7-M ရဲ့ K-CORE ဆိုတာဘာလဲ

K-CORE ဆိုတာ official English နာမည်အရ Korea College-to-Regional Employment ကိုဆိုလိုပြီး၊ မြန်မာလိုအနီးစပ်ဆုံးပြောရရင် ကိုရီးယား College မှ ဒေသတွင်းအလုပ်အကိုင်ဆီ ချိတ်ဆက်ပေးတဲ့လမ်းကြောင်း လို့နားလည်နိုင်ပါတယ်။

အဓိပ္ပါယ်ကတော့ -

• ကိုရီးယား 전문대학 မှာ ပညာသင်
• ကိုရီးယားစာနဲ့ နည်းပညာကျွမ်းကျင်မှုကိုပြင်
• ဘွဲ့ရပြီးနောက် ဒေသတွင်းကုမ္ပဏီမှာ အလုပ်ဝင်
• သတ်မှတ်ချက်ပြည့်ရင် E-7-M အလုပ်ဗီဇာကိုစဉ်းစားနိုင်

ဒီနေရာမှာ 전문대학 ဆိုတာ ကိုရီးယားမှာ အသက်မွေးဝမ်းကျောင်းနဲ့ နည်းပညာပိုင်းကို အဓိကသင်ကြားပေးတဲ့ ၂ နှစ် / ၃ နှစ်တက်ရတဲ့ college အမျိုးအစားလို့ နားလည်နိုင်ပါတယ်။

Ministry of Justice official announcement မှာ K-CORE(E-7-M) ကို “ကိုရီးယား 전문대မှာ ကိုရီးယားစာနဲ့ နည်းပညာကိုသင်ထားတဲ့ နိုင်ငံခြားကျောင်းသားက ဒေသတွင်းကုမ္ပဏီမှာအလုပ်ရတဲ့အခါ ရယူနိုင်တဲ့အလုပ်ဗီဇာ” လို့ရှင်းပြထားပါတယ်။

ဘာကြောင့် E-7-M ကို စတင်ခဲ့တာလဲ

ကိုရီးယားရဲ့ ဒေသတွင်းစက်မှုလုပ်ငန်းနဲ့ 중소기업 (အသေးစားနဲ့ အလတ်စားကုမ္ပဏီ) တွေမှာ နည်းပညာကျွမ်းကျင်လုပ်သားလိုအပ်ချက်များလာပါတယ်။

အရင်ကတော့ နိုင်ငံခြားကနေ လုပ်သားတွေကို တိုက်ရိုက်ခေါ်ယူတဲ့ပုံစံများပါတယ်။ E-7-M / K-CORE ရဲ့အယူအဆကတော့ ကိုရီးယားနိုင်ငံထဲက 전문대학 တွေမှာ နိုင်ငံခြားကျောင်းသားတွေကို ကိုရီးယားစာနဲ့ လုပ်ငန်းခွင်အတွက်လိုတဲ့နည်းပညာတွေ သင်ပေးပြီး၊ ဘွဲ့ရတဲ့အခါ ဒေသတွင်းကုမ္ပဏီနဲ့ချိတ်ဆက်အလုပ်လုပ်နိုင်စေဖို့ပါ။

ဒါကြောင့် E-7-M ကို “ကျောင်းတက်ပြီး အလုပ်ဆက်လုပ်ချင်သူအတွက်လမ်းကြောင်း” လို့မြင်လို့ရပေမယ့်၊ တကယ်တော့ ဒေသတွင်းလုပ်ငန်းလိုအပ်ချက်နဲ့ ချိတ်ထားတဲ့ ဗီဇာမူဝါဒတစ်ခုဖြစ်ပါတယ်။

E-7-M ကို ဘယ်ကျောင်းတက်တက် လျှောက်လို့ရလား

မရပါ။ ဒီအချက်က E-7-M ကို စိတ်ဝင်စားသူတွေအတွက် အရေးကြီးဆုံးပါ။

ကိုရီးယားမှာ ကျောင်းတက်တယ်ဆိုတာနဲ့ E-7-M ကို လျှောက်လို့ရတာမဟုတ်ပါ။ Ministry of Justice က 2026 ခုနှစ် February မှာ ကိုရီးယား 전문대 16 ကျောင်းရဲ့ သတ်မှတ်ထားတဲ့ department တွေကို 육성형 전문기술학과 အဖြစ် pilot program အနေနဲ့ ရွေးချယ်ထားပါတယ်။

အလွယ်ပြောရရင် -

• ကျောင်းနာမည်တစ်ခုတည်းကြည့်လို့မရပါ
• ကိုယ်တက်မယ့်မေဂျာ / 학과 က သတ်မှတ်ထားတဲ့학과 ဟုတ်မဟုတ်စစ်ရပါမယ်
• ကျောင်းက သတ်မှတ်ထားတဲ့ကျောင်းဖြစ်ပေမယ့် မေဂျာမကိုက်ရင် E-7-M လမ်းကြောင်းနဲ့မဆိုင်နိုင်ပါ
• သတ်မှတ်ထားတဲ့ program အောက်ကကျောင်းသားဖြစ်မှ အခွင့်အရေးတွေကိုစဉ်းစားနိုင်ပါတယ်

ဒါကြောင့် E-7-M ကိုရည်ရွယ်ပြီး ကိုရီးယားမှာကျောင်းတက်ဖို့စဉ်းစားနေတယ်ဆိုရင် ကျောင်း + မေဂျာ + ဗီဇာလမ်းကြောင်း သုံးခုကိုအတူတူစစ်ပါ။

ကျောင်းဝင်ဖို့ ကိုရီးယားစာ ဘယ်လောက်လိုလဲ

Official public information တွေမှာ သတ်မှတ်ထားတဲ့학과 ကိုဝင်ခွင့်ရဖို့ TOPIK Level 3 နှင့်အထက် ကိုဖော်ပြထားပါတယ်။

သတ်မှတ်ချက်ပြည့်မီပြီး ဒီ program အောက်က 학과 ကိုဝင်ခွင့်ရတဲ့ နိုင်ငံခြားကျောင်းသားတွေအတွက် D-2 ကျောင်းသားဗီဇာလျှောက်ရာမှာ အားသာချက်တွေရှိနိုင်ပါတယ်။

ဥပမာ -

• D-2 visa အတွက်လိုတဲ့ ငွေကြေးအထောက်အထားသတ်မှတ်ချက်ကို ကင်းလွတ်ခွင့်ပေးနိုင်တဲ့အချက်
• ကျောင်းတက်နေစဉ် ခွင့်ပြုချက်ရယူပြီးလုပ်နိုင်တဲ့ part-time အလုပ်ချိန်ကို တစ်ပတ် 30 နာရီကနေ 35 နာရီအထိ တိုးပေးနိုင်တဲ့အချက်

ဒါပေမယ့် ဒီအချက်တွေက လူတိုင်းအလိုအလျောက်ရတာမဟုတ်ပါ။ သတ်မှတ်ထားတဲ့ department ထဲဝင်တာ၊ ကိုရီးယားစာသတ်မှတ်ချက်ပြည့်တာ၊ school / immigration rule နဲ့ကိုက်တာတွေကိုစစ်ရပါမယ်။

ဘွဲ့ရပြီး E-7-M ပြောင်းဖို့ ဘာတွေလိုအပ်လဲ

သတ်မှတ်ထားတဲ့မေဂျာကနေ ဘွဲ့ရတာနဲ့ E-7-M Visa ကို အလိုအလျောက်ရသွားမှာမဟုတ်ပါ။

လက်ရှိထုတ်ပြန်ထားတဲ့ public information အရ အဓိကလိုနိုင်တဲ့အချက်တွေက -

• သတ်မှတ်ထားတဲ့ 육성형 전문기술학과 မှ ဘွဲ့ရပြီးသူ သို့မဟုတ် ဘွဲ့ရတော့မယ့်သူဖြစ်ခြင်း
• 사회통합프로그램(KIIP) Level 4 နှင့်အထက် ပြီးထားခြင်း သို့မဟုတ် TOPIK Level 5 ရှိခြင်း
• ကိုယ်တက်ခဲ့တဲ့မေဂျာနဲ့သက်ဆိုင်တဲ့ကုမ္ပဏီနဲ့ အလုပ်စာချုပ်ချုပ်ထားခြင်း
• အလုပ်စဝင်ချိန် တစ်နှစ်လစာ အနည်းဆုံး 26,000,000 ဝမ်နှင့်အထက်ဖြစ်ခြင်း
• 1 နှစ်နှင့်အထက် အလုပ်ခန့်ထားမှုစာချုပ်ရှိခြင်း

ဒီလစာသတ်မှတ်ချက်နဲ့အသေးစိတ်စစ်ဆေးမှုတွေက policy update အလိုက်ပြောင်းနိုင်ပါတယ်။ ဒါကြောင့် လျှောက်မယ့်အချိန်မှာ HiKorea, Korea Immigration Service, ကျောင်းရုံးနဲ့ company ဘက်ကစာရွက်တွေကို ထပ်စစ်ရပါမယ်။

E-7-M ကို အလွယ်ဆုံး ဘယ်လိုနားလည်ရမလဲ

E-7-M ကို “ကိုရီးယားရောက်ပြီး ဘယ်ကျောင်းမဆိုတက်၊ ဘွဲ့ရပြီးတာနဲ့ E-7-M ပြောင်းလို့ရမယ့် visa” လို့မမြင်သင့်ပါဘူး။

အလွယ်ဆုံးပြောရရင် -

သတ်မှတ်ထားတဲ့ College နဲ့ မေဂျာမှာပညာသင် → ကိုရီးယားစာနဲ့ နည်းပညာကျွမ်းကျင်မှုကိုပြင် → ဘွဲ့ရ → သက်ဆိုင်ရာလုပ်ငန်းမှာအလုပ်ရ → လိုအပ်တဲ့သတ်မှတ်ချက်တွေပြည့်မီရင် E-7-M Visa လျှောက်

ဆိုတဲ့ ပညာသင်ခြင်းကနေ အလုပ်အကိုင်အထိဆက်စပ်ပေးထားတဲ့ visa လမ်းကြောင်းတစ်ခုဖြစ်ပါတယ်။

ဘာကိုအရင်စစ်သင့်လဲ

E-7-M ကိုစိတ်ဝင်စားတယ်ဆိုရင် အောက်ပါအချက်တွေကိုအရင်စစ်ပါ။

1. ကိုယ်စိတ်ဝင်စားတဲ့နယ်ပယ်က E-7-M သတ်မှတ်ထားတဲ့နယ်ပယ်တွေနဲ့ကိုက်လား
2. ကိုယ်ကြည့်နေတဲ့ school က designated school ထဲပါလား
3. ကိုယ်တက်မယ့်မေဂျာက 육성형 전문기술학과 ဟုတ်လား
4. TOPIK Level 3 ကို ဝင်ခွင့်မတိုင်ခင်ပြင်နိုင်လား
5. ဘွဲ့ရချိန်မှာ TOPIK Level 5 သို့မဟုတ် KIIP Level 4 ကိုရောက်နိုင်လား
6. ဒေသတွင်းကုမ္ပဏီမှာအလုပ်လုပ်ဖို့ လက်ခံနိုင်လား
7. အလုပ်စာချုပ်၊ လစာ၊ company condition ကိုက်နိုင်လား

MyanMate ကို ဘာမေးလို့ရလဲ

E-7-M Visa နဲ့ ကိုရီးယားမှာ ပညာသင်ပြီး အလုပ်ဆက်လုပ်ဖို့ စိတ်ဝင်စားတယ်၊ ကိုယ်လျှောက်လို့ရမရ၊ ဘယ်ကျောင်းနဲ့ မေဂျာကိုရွေးရမလဲ၊ ဘာတွေကြိုတင်ပြင်ဆင်ထားရမလဲ သိချင်တယ်ဆိုရင် MyanMate ကိုမေးနိုင်ပါတယ်။

Contact ကနေ “E-7-M” လို့ပို့ပြီး မေးမြန်းနိုင်ပါတယ်။

မေးမယ်ဆိုရင် အောက်ပါအချက်တွေကိုအကျဉ်းချုပ်ပို့ပါ။

• လက်ရှိပညာရေးအခြေအနေ
• ကိုရီးယားစာ level / TOPIK ရှိမရှိ
• စိတ်ဝင်စားတဲ့ field
• ကိုရီးယားမှာ 전문대학 route စဉ်းစားနေတာလား
• ဒေသတွင်းကုမ္ပဏီမှာအလုပ်လုပ်ဖို့ လက်ခံနိုင်လား
• Long-term stay စဉ်းစားနေလား

MyanMate က E-7-M လမ်းကြောင်းကို ကိုယ့်အခြေအနေအရနားလည်အောင်ရှင်းပြခြင်း၊ school / major information ကိုဘယ်လိုဖတ်ရမလဲကူညီခြင်း၊ ကိုရီးယားစာပြင်ဆင်မှုလမ်းကြောင်း စီပေးခြင်း၊ E-7-M နဲ့အခြား visa route တွေကွာခြားချက်ကိုမြန်မာလိုရှင်းပြခြင်းတို့ကိုကူညီနိုင်ပါတယ်။

မေးမြန်းရန်: 1:1 DM ပို့ရန်

နောက်ထပ်ဖတ်ရန်

• E-7-M visa ရဲ့ အားသာချက်နဲ့ အားနည်းချက်တွေကဘာလဲ?
• D-2 / D-4 ကျောင်းသားဗီဇာနဲ့ အချိန်ပိုင်းအလုပ်လုပ်ခွင့် ဘယ်လိုယူမလဲ
• TOPIK မရှိဘဲ ကိုရီးယားမှာ ကျောင်းလျှောက်လို့ရလား?

FAQ